Отзыв об Toyota Corolla Седан 2006 года

Отзыв об Toyota Corolla Седан 2006 года

27 ноября 2022

Автор: suprunchuk

Найдено на ab.api.onliner.by

4.0

**Пра Таёту Каролу** Мы набылі гэты аўтамабіль у 2011 годзе. Ён быў зроблены пяць гадоў таму. Срабрыста-шэры асфальт. Універсал. Аб’ём рухавіка 1,6. Мы купілі яго па рэкламнай аб’яве. Нам падабаўся такі колер. Можна мувіць, як маднячы на той час. Але ўрэшце справа не ў колеры. Хоць гэты параметр немалаважны для псіхалогіі вадзіцеляў, асабліва жанчын. Праз дзень-два мы ўсёй сям’ёй адчувалі сябе ў гэтай машыне так, нібы ездзілі ў ёй усё жыццё. Камфортна, утульна. Рухавік працаваў ціха, упэўнена і памяркоўна. У параўнанні з рускім “масквічом”, які быў у нас раней, гэта было, як кажуць, зямля і неба. Канечне, хацелася, каб бензіна еў трошкі менш, але такое жаданне існуе заўжды. Улічваючы наш менталітэт, неабходнасць закупкі ўвосень бульбы, цыбулі і г.д., яблыкі і грушы з дачы, агуркі і памідоры, дык універсал Таёта Карола ў гэтым плане быў найвыдатнейшым сродкам дастаўкі. Пасля рамонту кватэры мы вазілі на гэтым аўто дзверы, вокны, розныя будаўнічыя матэрыялы. Але абавязкова засцерагаючы салон плёнкай, усялякімі анучамі. Гэта быў нібыта наш другі дом. Наконт рамонту. Былі толькі дробязі. Тыпу тармазных калодак, замены лямпачак, запраўкі кандыцыянера… Найбольшае -- гэта бянзінавы бак. Пасля мы даведаліся, што гэта характэрна для Таёты. Аднойчы ён пацёк. Мы адчулі пах бянзіна ў салоне, рэзкі, нібы побач яго разлілі з каністры. Не бяда. Нам майстра на працягу дня паставіў новы бак. Гандляры запчасткамі ведаюць пра гэту хваробу Таёты Каролы, і ў іх заўжды ёсць запас бакаў. Аўтамабіль мяккі ў руху, просты ў кіраванні. Мы прывыклі да яго і было шкада збываць. Ён стаў нібыта сапраўдным членам сям’і. Жонка аднойчы прамовіла: «Я сумую па “Таёце”…»